БАГЫТТЫН ЖАЛПЫ МҮНӨЗДӨМӨСҮ
Багыттын жалпы мүнөздөмөсү
Кафедра 530100 «Философия» багыты боюнча адистерди даярдап чыгарат.
- Бакалавр профили: «Бизнес-стратегиялардын философиясы жана коучинг» (1-2-курстарда орус жана англис тилдеринде, 3-4-курстарда англис тилинде окутуу).
- Бакалавр профили: «Мамлекеттик башкаруудагы стратегиялык ой жүгүртүү философиясы» (орус жана англис тилдеринде окутуу).
- Бакалавр профили: «Экономика жана бизнести башкаруу философиясы» (орус жана англис тилдеринде окутуу).
- Магистратуранын профили: «Билим берүү философиясы» (орус тилинде окутуу).
Кафедра 530600 «Журналистика» багыты боюнча адистерди даярдап чыгарат.
Бакалавр профили: «Эл аралык журналистика» (1-2-курстарда орус жана англис тилдеринде, 3-4-курстарда англис тилинде окутуу).
Философия багыты 530100
Профили: Бизнес-стратегиялардын философиясы жана коучинг (окутуу орус жана англис тилдеринде жүргүзүлөт)
Бул профиль боюнча кесиптик даярдык бизнес-стратегияларды иштеп чыгуунун негизги принциптерин жана ыкмаларын түшүнүүнү, бизнестин тышкы жана ички коркунучтарын талдоону, ошондой эле ийгиликтүү өнүгүүнүн стратегиялык мүмкүнчүлүктөрүн аныктоону камсыз кылат.
Окуу программасы пландаштыруунун негиздерин, рынокту талдоону, атаандаштык стратегияларын иштеп чыгууну жана өзгөрүүлөрдү башкарууну камтыйт. Окутуу процесси коучинг боюнча интенсивдүү практикалык сабактарды жана тренингдерди, ролдук оюндарды, кейс-стадилерди камтып, студенттердин уникалдуу күчтүү жактарын жана жөндөмдөрүн ачуу үчүн жеке коучинг стилин өнүктүрүүгө багытталган. Бүтүрүүчү кардарлар жана кызматкерлер менен натыйжалуу баарлашууга, командада иштөөгө, конфликттерди жана сүйлөшүү процесстерин башкарууга жөндөмдүү болот, ошондой эле өзүн жана башкаларды ийгиликке шыктандыра алат.
КЭАУ ОИӨКнын ар бир студенти 3-4-курстарда каалаган багыты боюнча майнорлор программалары аркылуу кошумча билим ала алат. Бул бүтүрүүчү иш жүзүндө эки дипломго ээ болот дегенди билдирет. Ошондой эле, ар бир студенттин бир семестр бою чет өлкөдө окуу мүмкүнчүлүгү бар.
Профили: Мамлекеттик башкаруудагы стратегиялык ой жүгүртүү философиясы (окутуу орус жана англис тилдеринде жүргүзүлөт)
Өзгөрүп жаткан дүйнө шарттарында сын көз караш менен стратегиялык ой жүгүртө алган жана коомдун жыргалчылыгы үчүн өз ишмердүүлүгүнүн каалаган чөйрөсүндө оң натыйжаларга жетише алган жаңы муундун башкаруучуларын даярдоо. Бул профиль боюнча бакалаврларды даярдоо каалаган деңгээлдеги мамлекеттик башкаруу чөйрөсүндө, саясат жана идеология менен байланышкан мамлекеттик жана жеке жалпыга маалымдоо каражаттарында (ЖМК) жумушка орношуу үчүн чексиз мүмкүнчүлүктөрдү берет. Англис тилин мыкты билүү жана алдыңкы башкаруучулук билимдер, аналитикалык жана стратегиялык ой жүгүртүү көндүмдөрү дүйнөнүн каалаган өлкөсүндөгү эл аралык уюмдарда, аналитикалык борборлордо жана консалтинг фирмаларында ийгиликтүү иштөөгө шарт түзөт.
КЭАУ ОИӨКнын ар бир студенти 3-4-курстарда каалаган багыты боюнча майнорлор программалары аркылуу кошумча билим ала алат. Бул бүтүрүүчү иш жүзүндө эки дипломго ээ болот дегенди билдирет. Ошондой эле, ар бир студенттин бир семестр бою чет өлкөдө окуу мүмкүнчүлүгү бар.
Профиль: Экономика жана бизнести башкаруу философиясы
Кафедра философияны адамзаттын ой жүгүртүүсүн өнүктүрүүнүн кубаттуу булактарынын бири катары изилдөө менен бирге, заманбап чакырыктарды эске алып, кеңири профилдеги адистерди даярдоону камсыз кылат. Мультидисциплинардык мамиле биздин бүтүрүүчүлөрдүн илим жана педагогика чөйрөсүндө гана эмес, ошондой эле укук философиясы, саясат философиясы, эл аралык мамилелер, мамлекеттик башкаруу, социалдык жана маданий антропология, гендердик изилдөөлөр (gender studies) ж.б. тармактарда профессионалдык жактан ийгиликке жетишине өбөлгө түзөт. Бүтүрүүчүлөр үчүн илимий изилдөөлөрдө жана эл аралык уюмдарда иштөө үчүн кеңири мүмкүнчүлүктөр ачык. Бүгүнкү күндө биздин бүтүрүүчүлөр мамлекеттик, коммерциялык жана бизнес-түзүмдөрдө менеджер болуп иштеп жатышат, өз бизнесин ачып, ишкердик менен алектенишүүдө.
Биздин ураан — Жаңы дүйнөгө жаңы лидерлер !
Журналистика багыты 530600 (орус жана англис тилдеринде окутуу)
Биздин багыт дүйнөлүк аренадагы негизги окуяларды чагылдырууга жөндөмдүү, ар түрдүү өлкөлөрдүн саясаты, экономикасы жана маданияты жаатында терең билимге ээ болгон эл аралык журналист-аналитиктерди даярдайт. Эл аралык журналист болуу — бул чоң амбицияларга ээ болуу, коомдук пикирдин лидери жана жаңы дүйнөнүн конструктору болуу дегенди билдирет.
Биздин студенттер бир нече чет тилдерин өздөштүрүп, психология, менеджмент жана маркетингди билишет. Алар чет өлкөлүк ЖМКлар жана уюмдар, саясий партиялар жана мамлекеттик түзүмдөр менен ийгиликтүү иштешип, чет тилдеринде материалдарды жарыялашат, репортаждар жана даректүү тасмалар үчүн контент түзүшөт, кызыктуу нарративдерди жана аналитикалык материалдарды жазышат.
Өлкөлөр жана континенттер боюнча саякаттоо — бул кесиптик ишмердүүлүктүн бир бөлүгү. Эл аралык журналист — маалыматтын кеңири дүйнөсүнө жол көрсөтүүчү, планетанын эң алыскы булуң-бурчтарынан уникалдуу окуяларды окурмандарга жана көрүүчүлөргө жеткирүүчү адам. Ал жөн гана фактыларды билдирбестен, болуп жаткан окуялардын контекстин түшүнүүгө жардам берет, окуялардын кесепеттерин жана алардын глобалдык көрүнүшкө тийгизген таасирин талдайт. Анын милдети — чынчыл жана объективдүү репортаждар менен адамдардын аң-сезимин байытуу.
КЭАУ ОИӨКнын ар бир студенти 3-4-курстарда каалаган багыты боюнча майнорлор программалары аркылуу кошумча билим ала алат. Бул бүтүрүүчү иш жүзүндө эки дипломго ээ болот дегенди билдирет. Ошондой эле, ар бир студенттин бир семестр бою чет өлкөдө окуу мүмкүнчүлүгү бар.
Биздин ураан: Эл аралык журналистика — дүйнөнү өзгөртө турган кесип!