AVN, БТА сектору - Борбордук кампус

AVN, Башкаруу тутумун автоматташтыруу сектору

Джетыбаева Жылдыз Болотбековна

Сектор башчысы

Дареги: Кыргыз Республикасы, Бишкек ш., Л. Толстой көчөсү 17а/1, 310-иш бөлмөсү

Тел: +996 312 64 23 35

Электрондук дареги: djetybaeva.jyldyz@mail.ru

Орунбаев Акыл Акжолович

Бөлүмдүн адиси. КЭАУнун Чыгыш кампусу

Дареги: Кыргыз Республикасы, Бишкек ш., 7-апрель көчөсү 4а, 207- иш бөлмөсү

Тел: +996 312 53 03 55

Электрондук дареги: a.orunbaev@mail.ru

Ибрагимова Аида Ибрагимовна

Бөлүмдүн адиси. КЭАУнун Борбордук кампусу

Дареги: Кыргыз Республикасы, Бишкек ш., Л. Толстой көчөсү 17а/1, 310-иш бөлмөсү

Тел: +996 312 64 23 35

Электрондук дареги: aida.ibragimm@gmail.com

Батырбекова Телегей Батырбековна

КЭАУнун Борбордук кампусу (Магистратура)

Дареги: Кыргыз Республикасы, Бишкек ш., Л. Толстой көчөсү 17а/1, 310-иш бөлмөсү

Тел: +996 312 64 23 35

Электрондук дареги:

AVN, Башкаруу системасын автоматташтыруу сектору окуу процессин жана жалпы университетти башкаруу системасын аны колдонуунун заманбап технологияларын киргизүү аркылуу өркүндөтүү максатында уюштуруу-техникалык функцияларды аткарган университеттин түзүмдүк бөлүмү болуп саналат.

AVN, Башкаруу системасынын автоматташтыруу сектору университетте бирдиктүү маалымат мейкиндигин жана электрондук документ жүгүртүүнү түзүүгө жана өнүктүрүүгө, анын МТ-инфраструктурасын өнүктүрүүгө жана кадыр-баркын жогорулатууга көмөктөшөт.

ЖОЖдо документ жүгүртүүнү жана университеттин бөлүмдөрүнүн ортосундагы маалымат агымдарын жөнөкөйлөштүрүү максатында маалыматтык системаларды киргизүү, өнүктүрүү жана башкаруу боюнча борборлоштурулган система бар. Бул үчүн киргизилип жаткан автоматташтырылган башкаруу системаларын колдонуучуларды окутуу иштери жүргүзүлөт.

AVN, Башкаруу тутумун автоматташтыруу секторунун максаттары жана милдеттери:

Автоматташтырылган тутумдарды жана маалыматтык технологияларды киргизүү, өнүктүрүү боюнча жумуштардын бүткүл комплексин жүргүзүү;
Университеттин жетекчилиги жана түзүмдүк бөлүмдөрү менен биргеликте ишмердүүлүктү пландаштырууну, эсепке алууну жана талдоону, университеттин уюштуруу түзүмүн, иш кагаздарын жүргүзүүнү жана маалымат агымдарын өркүндөтүү боюнча иш-чараларды иштеп чыгууга катышуу;
Маалыматтык тутумду андан ары өнүктүрүү боюнча сунуштарды иштеп чыгууга катышуу, ошондой эле Башкаруу тутумун автоматташтыруу программалары боюнча жаңы милдеттерди иштеп чыгуу жана киргизүү;
Турникет көзөмөл-өткөрүү тутумунун иштөө механизмин жакшыртуу.

2017-жылдын июль айынан тарта ЖОЖду башкаруунун бирдиктүү «AVN» маалыматтык тутуму киргизилип, өнүктүрүлүп жана иштеп жатат. Ал биринчи жолу окутуунун бардык формаларындагы студенттердин бирдиктүү базасын түзүүгө мүмкүндүк берди, ошондой эле университетти башкарууну борборлоштуруунун жана мониторингдөөнүн ыңгайлуу механизмдерин камсыз кылды. «AVN» маалыматтык тутуму (мындан ары — «AVN» МТ) 2017-жылдагы кабыл алуу кампаниясынын жүрүшүндө ийгиликтүү сыноодон өткөн.

«AVN» — бул университеттин билим берүү тутумунун бардык кыймылын автоматташтыруучу маалыматтык тутум. Ал бардык колдонуучулардын, анын ичинде кадрлар бөлүмүнүн, студенттердин, окутуучулар курамынын, эң мыкты он студенттин тизмеси бар деканаттардын иш-аракеттерин көзөмөлдөйт жана каттайт, ошондой эле жетишүүнүн жыйынтыкталган отчетторун, бүткүл окуу башкармалыгын жана окуу пландарын камтыйт.

Сайттын көмөгү менен «AVN» МТ аркылуу студенттер электрондук лекцияларды колдоно алышат, окутуучулар менен байланышып, аралыктан кеӊеш берүүлөрдү жана тапшырмаларды ала алышат, ал эми ата-энелер балдарынын окуусу тууралуу маалыматтарды алууга мүмкүнчүлүк алышат.

2019-жылдын сентябрь айынан баштап eDoc AVN электрондук иш кагаздарын жүргүзүүнү тутуму киргизилген. Ал университеттин негизги ички маалымат агымдары боюнча электрондук иш кагаздарын жүргүзүүнү уюштурууга мүмкүндүк берет.

Бул тутумдун негизги мүмкүнчүлүктөрү:

системанын колдонуучулары ортосунда каалаган файлдарды өткөрүп берүү;
электрондук документтердин аткарылышын көзөмөлдөө;
уруксатсыз кирүүдөн коргоо;
колдонуучулардын иштөөсүнө ыңгайлуу шарт түзүү;
электрондук документтердин жана негизги маалыматтардын архивин жүргүзүү.

Коронавирус пандемиясына байланыштуу адамдардын массалык түрдө топтолушун алдын алуу жана алардын кыймыл-аракетин чектөө максатында, 2020-жылы аралыктан окутуу форматында тест алуу аркылуу жыйынтыктоочу жана аралык текшерүүлөрдү, ошондой эле мамлекеттик аттестациялоо боюнча Дисциплиналар аралык сынактарын өткөрүү процессин зарыл болгон техникалык жана усулдук камсыздоо даярдалган. Компьютердик тестирлөө AVN маалыматтык тутумунун билим берүү порталы, ошондой эле test.edu.kg сайты аркылуу жүзөгө ашырылды. Бул студенттердин билимин белгиленген белгилүү бир убакыттын ичинде аралыктан көзөмөлдөөгө мүмкүндүк берди.

Кызыктар тараптардын билим берүү программаларынын ишке ашырылышына жана анын жыйынтыктарына канааттануу деңгээлин аныктоо үчүн, 2020-жылдан тартып test.edu.kg жана avn.iuk.kg:85 сайттарында анкеталар иштелип чыгып, университет тарабынан уюштурулган, студенттердин ата-энелери, университеттин бүтүрүүчүлөрү, ошондой эле жумуш берүүчүлөрдүн катышуусунда онлайн сурамжылоо өткөрүлүп келет. Стейкхолдерлер (кызыктар тараптар) менен өткөрүлгөн сурамжылоонун жыйынтыгы боюнча жыл сайын Негизги билим берүү программаларына (НББП) өзгөртүүлөр киргизилет. Изилдөөдө анкеталык сурамжылоо усулу колдонулат. Анкетирлөө суралып жаткандардын жашыруундуулугун (анонимдүүлүгүн) камсыз кылат, бул болсо так жана туура маалымат алууга өбөлгө түзөт.

Кыргыз Республикасынын Өкмөтүнүн 2019-жылдын 15-февралындагы тескемеси менен бекитилген «Санариптик Кыргызстан 2019-2023» санариптик трансформациялоо Концепциясын ишке ашыруу максатында, ошондой эле КР Президенти С.Ш. Жээнбековдун «2019-жылды Региондордо өнүктүрүү жана санариптештирүү жылы деп жарыялоо жөнүндө» Жарлыгын аткаруу максатында, Кыргыз Республикасынын Билим берүү жана илим министрлигинин 2019-жылдын 25-октябрындагы №1260/1 буйругун аткаруу үчүн биздин университетте «Бирдиктүү терезе» кызматы пайда болду. Анын жардамы менен каалаган студент өзүнүн өздүк кабинетинен кандайдыр бир документти алууга өтүнмө жөнөтө алат. Жеткиликтүү кызматтардын тизмеси «Бирдиктүү терезе» кошумча бетинде жайгашкан. Ал жерден документтин даярдыгы тууралуу маалыматты да көрүүгө болот.

Документтер