(“Слово Кыргызстана” гезитинен, 2024-жылдын 12-апрели)
Космос – бул, биринчи кезекте, илим, жана биздин окумуштуулар аны изилдөөгө салым кошушту.
Кыргыстан Республикасынын Улуттук илимдер академиясынын академиги Олег Алимов жетектеген адистер тобунун эмгегинин натыйжасында Жердин спутнигинен топурак чогултуу үчүн колдонулган бургулоочу жабдуу пайда болду.
“Арашан” кыргыз бальзамы космоско жеткен тарыхтагы биринчи алкоголдук ичимдик болду. “Арашанды” жараткан фармаколог жана Кыргыстан Республикасынын Улуттук илимдер академиясынын академиги Арстанбек Алтымышев космонавтикага кошкон салымы үчүн С. Королев медалы менен сыйланган.
Физика-математика илимдеринин доктору, профессор жана Кыргыстан Республикасынын Улуттук илимдер академиясынын академиги Мурзабек Иманалиевдин эмгеги космостук жана аскердик-техникалык тармактарда кеңири колдонулат.
Кыргыстан Республикасынын Улуттук илимдер академиясынын белгилүү академиги Асылбек Айдаралиевдин эмгеги авиация жана космостук медицинанын өнүгүшүнө салым кошту. Ал космонавттарды учууга чейинки даярдоодо активдүү роль ойногон. Айдаралиевдин изилдөө жыйынтыктары анын Москвадагы Космос жана авиациялык медицина институтунда коргогон докторлук диссертациясында кыскача баяндалган. Жетишкендиктери үчүн ал Эл аралык космонавтика академиясынын академиги болуп шайланган.
2016-жылдын аягында жаш окумуштуу Нурлан Усубалиев Роскосмостун сынагында байгеге ээ болгон. Анын өнүккөн космостук технологиялар жаатындагы иштеп чыгуулары тапшырылган 100 эмгектин ичинен эң мыктыларынын катарына кирген.