Бул жай биздин студенттер үчүн жаңы билимдерге, жаркын таасирлерге, эл аралык баарлашууга жана баалуу тажрыйбага бай мезгил болду. Жалпысынан университетибиздин 27 студенти Россиянын алдыңкы университеттеринин базасында өткөн билим берүү программаларына катышты.
🎓 Биздин студенттер төмөнкү долбоорлордун катышуучулары болушту:
🔹 Россиянын биринчи Президенти Б. Н. Ельцин атындагы Урал федералдык университети (Екатеринбург шаары) – 17 студент;
🔹 Сибирь федералдык университети (Красноярск шаары) – 8 студент;
🔹 Казан федералдык университети (Казань шаары) – 2 студент.
«Жайкы университет – 2026» долбооруна катышуу студенттерге уникалдуу эл аралык тажрыйба алууга, кесиптик билимдерин кеңейтүүгө, ар кайсы өлкөлөрдүн өкүлдөрү менен таанышууга жана чоң эл аралык студенттик коомчулуктун бир бөлүгү болууга мүмкүнчүлүк түздү.
Екатеринбург шаарындагы программа 16 өлкөдөн келген 430 студентти бириктирди. Катышуучуларды лекциялар, практикалык сабактар, тренингдер, эксперттердин мастер-класстары жана кызыктуу маданий-экскурсиялык программа күттү.
🏆 Өзгөчө жетишкендик катары «ХакАтом» сынагындагы ийгиликти белгилөөгө болот. Анда биздин университеттин студенти Мелсов Эльдияр катышкан «Атом Х» командасы 🥇 1-орунду ээледи. Мындан тышкары, Эльдияр «Жайкы университет – 2026» долбоорунун 430 катышуучусунун арасынан ТОП-20га кирип, «Кышкы университет – 2026» долбооруна катышууга чакыруу алды.
Казан федералдык университетинде биздин студенттер дүйнөнүн 25 өлкөсүнүн өкүлдөрүн бириктирген эл аралык долбоордун катышуучулары болушту. Катышуучулар лекцияларды, практикалык сабактарды, мастер-класстарды, эксперттер менен жолугушууларды, ошондой эле маданий жана экскурсиялык иш-чараларды камтыган билим берүү программасынан өтүштү.
КФУдагы программа алкагында биздин студенттер «ХакАтом» сынагында да өздөрүн мыкты көрсөтүштү. «Atomic Nomads» командасынын курамында катышкан студенттерибиз:
🔹 Абытов Рахмидин Каныбекович – 4-курстун студенти;
🔹 Шерова Дарья Александровна – 3-курстун студенти,
«ХакАтом» сынагында 🥉 3-орунду ээледи.
Сибирь федералдык университетиндеги программа да дүйнөнүн ар кайсы бурчунан келген студенттерди бириктирип, биздин катышуучуларга жаңы билимдерди алууга, кесиптик жөндөмдөрүн өнүктүрүүгө, Сибирдин маданияты менен таанышууга жана жаңы досторду табууга мүмкүнчүлүк берди.
Долбоорлордун уюштуруучуларына – Сибирь федералдык университетине, Россиянын биринчи Президенти Б. Н. Ельцин атындагы Урал федералдык университетине жана Казан федералдык университетине, ошондой эле бардык өнөктөштөргө студенттер үчүн түзүлгөн өзгөчө мүмкүнчүлүктөргө, жогорку деңгээлдеги уюштуруу жана жылуу кабыл алуу үчүн терең ыраазычылык билдиребиз.
Эл аралык аренада университетибизди татыктуу көрсөтүп жаткан студенттерибиз менен сыймыктанабыз! Аларга мындан аркы ийгиликтерди, жаңы долбоорлорду жана чоң жеңиштерди каалайбыз!
